تعرف علي تفاصيل الحالة الصحية لوالد ألفت عمر… 

كتبت إيمان مجدي

صرحت الفنانة ألفت عمر عن تطورات الحالة الصحية لوالدها بعد الوعكة الصحية التى مر بها وعلي إثرها تسببت فى دخوله المستشفى مساء أمس.

وقالت ألفت عمر: “امبارح طلبت دعواتكم.. النهارده حبيت أقولكم الدعوات جابت نتيجة وثانى أكسيد الكربون نزل معدله فى الدم كان 120 وده خطر جدا جدا دلوقتى بقا 80 لسه فى خطورة على حياته”

وتابعت: “بشكرا من قلبى لكل حد دعا له.. دعواتكم هى السبب ربنا قال خدوا بالأسباب والدعاء بيغير القدر الحمد لله فى تحسن ضعيف بس لسه فى أمل أرجوكم كملوا الدعاء أرجوكم ادعوا كمان وكمان”.

وقد أنهارت ألفت عمر، ودخلت في وصلة من البكاء، وذلك من خلال فيديو نشرته لها على صفحتها بموقع التواصل الاجتماعي “فيس بوك”؛ بسبب مرض والدها.

وعلقت في الفيديو قائلة «أنا أول مرة أطلع لايف وأتكلم عن حياتي الشخصية، وبطلب من كل الناس اللي تعرفني واللي ما تعرفنيش، بطلب الدعاء منهم، بابا حالته صعبة، عايزة منكم تدعوا له، هو في حالة حرجة، وهو على جهاز التنفس الصناعي، وهو في مرحلة حرجة جدًا، وهتاخد وقت، وعايزة الدعاء، وبطلب منكم الدعاء له، عايزة أكبر عدد ممكن يدعوا له، وأي حد يعرفني؛ يا ريت يدعوا لوالدي الذي علمني كل حاجة حلوة، قلبه كبير والخير كله عنده».

و أكدت خلال الفيديو الذي نشرته على صفحتها: «أنا عمري ما طلبت من حد حاجة، لكن بطلب منكم الدعاء له، مش عشان والدي؛ لكن والدي قلبه كبير، وبيحب الخير للناس كلها».