محمد صلاح لـ إسعاد يونس: نمت ورا بوابة نادي المقاولون العرب
أحمد حسان
قال محمد صلاح نجم فريق ليفربول الإنجليزي وقائد منتخب مصر خلال حواره مع الإعلامية إسعاد يونس، أنه مر بأيام صعبة للغاية في أول مشواره مع كرة القدم في نادي المقاولون العرب.
قال ” صلاح ” ، نجم منتخب مصر ونادي ليفربول الإنجليزي، في تصريحات تليفزيونية: نمت ورا بوابة نادي المقاولون العرب، ومررت بالعديد من الأوقات الصعبة.
وواصل صلاح: من المواقف الصعبة اللي مرت عليا، في مرة لاعب في المقاولون، قالي تعالى نبيّت في القاهرة، نروح لـ خالي في العاشر، بعد كدا قالي تعالى نبيّت عند واحد صاحبي قلت له مش هعرف، بعد كدا قالي تعالي هنروح لـ واحد زميلنا في النادي، فـ روحنا النادي ونمنا ورا بوابة النادي، واليوم اللي بعده بتنا في ورا ملعب المقاولون العرب، فرشنا في الأرض ونمنا، وفي الوقت ده كنت مستعد لأي حاجة لتحقيق هدفي.
وأضاف قائد المنتخب الوطني: المقاولون طول عمره من أحسن الأندية التي تخرج الناشئين في مصر، لما روحت كنت مرعوب جدًا، وأنا بدي كل حاجة لـ الكرة، شغلي واهتمامي.
