ثقافة و فن
شاعر العامية أيمن رضوان يكتب :هشكي لمين
شاعر العامية أيمن رضوان يكتب :هشكي لمين
بَسَلِّمْ بشـوقي ع اللي غايب
حبيبي وفايت ديارنا سنين
باعتلك سلامي محبه وغرام
فقلبي يا عمري زاد الحنين
وروحي ياغالي بتسـأل عليك
ودمعة عنيه مـوالها حزين
وأول سطورة قلبي اللي كان
شايلك غــرامه جوا الوتين
وياما قرب بشــوقه إليك
شوقه اللي باين جوا العينين
وحلمه مره ينعم بقربك
ونفسه مناه لمس الايدين
عشانك ياغالي سخـر حياته
ولجل مترضى وهبلك سنين
هتفضل حبيبي منايا وغرامي
وبُعدك ياعمري جاب الأنين
خللَّى حيــاتي سُهْدِ وألام
جوا الحنايا وجـــعي دفين
صوته بيسري جــوا الوريد
سَمَّعْ لحدة ما بان الأنين
قلبي نبضه بينده عليك
تاني ترجع ياغالي يازين
ارجع حبيبي بلاش البعاد
بعدك حبيبي هشكي لمين
