المزيد
( انا وأفكارى) بقلم الشاعرة : د. ثناء خلف الله العمدة
بقلم الشاعرة : د. ثناء خلف الله العمدة
بقيت احب الشتا وشمسه المكسوفه تطلع
بقيت أحب الدفي وقلوب الطيبين
بقيت مغرومه قهوه مع نور صباح الخير
بقيت أتوه ف الزحمه بين ناس متغيرين
بقت حبه حلاوة تدوب ف ليل حزين
بقيت نور وشقاوة تمثل محرومين
بقيت عقد يحلى صدور العارفين
بقيت لؤلؤ مندى فى بحر العطشانين
ياليل ساكنى كلى
تعالى هنا وقولى
انا زى مانا فراشه بطير فى سكون الليل
ولا نسمه عليله أداوى اهات التعبانين
ولا اكونشى دواء لعله كل المجروحين
ولا انا كل دول فى حفنه السنين
أداوى اضحك وأغنى لكل العاشقين
اللى عشق ترابها وسابها وراح بعيد
واللى عشق خدودها وفرقهم نصيب
واللى نفسه ظروفه تسمح…. أقوله عيد وزيد
زيدنى كلام بيسحر …زيدنى كلام جميل
ماهو كله كلام نقوله
المهم الكلام لمين
للي يصونه يمكن
للى مايقوله جايز
المهم احنا نقوله لكل المحرومين
