طريقة عمل كيكه عاديه بالزبادى
راندا عبد العزيز
المقادير
4 بيضات + 3 كوب دقيق ( استخدمت دقيق الضحى ) + 2 علبة زبادى صغيره + كوب ونص سكر + 1 كوب زيت دوار شمس + 1 كيس فانيليا + معلقه كبيره بيكنج بودر + معلقه خل كبيره + ذرة ملح
الطريقه
1 – نضرب البيض والسكر والفانيليا و معلقه الخل بالمضرب الكهربا او الخلاط لغايه القوام مايبقا كريمى .. انا ضربتهم بالمضرب الكهربا 15 دقيقه .
2 – نضيف الزبادى و الزيت و نضرب لمده 5 دقايق .
3 – نضيف الدقيق المنخول المخلوط بالبيكنج بودر + ذره الملح بالتدريج ونقلب بالايد او بمضرب سلك فى اتجاه واحد حتى يختلط جيدا .
4 – نصب الخليط فى صينيه مدهونه زيت او سمنه وندخلها الفرن الساخن على الشبكه فى النص لمدة من 40 الى 45 دقيقه على درجه حراره 180
