الخطيب: في ناس بتتكلم عن الأهلي أكثر من نفسها
قال الخطيب في تصريحات خلال كلمة هامة أدلى بها مساء أمس : ” الاهلي يحترم الإعلام ولا شك أن هناك إعلام هدفه الإصلاح بس هنا اتعملنا في حياتنا الفترة اللي فاتت ان الكلمة أمانة، وحمل الأمانة شرف ومسئولية”.
وتابع: ” بس فيه صورة واضحة لغالبية من إعلامنا الرياضي سواء المرئي أو المسموع، فيه إعلاميين انتمائهم طغى على مهنتيهم، فيه ناس بتتكلم عن الأهلي أكثر من نفسهم، فيه تجريح يومي بشكل فج وبرضو محدش بيحاسب حد”.
وواصل: “احنا شايفين زي ما كتير غيرنا شايفين، ان التجاوزات في حق الأهلي والتقليل من بطولاته وللأسف بيحاولو يسفهوا من تاريخه وينتهزوا الفرص وقت الإخفاق لمحاولة التشوية، الأهلي المفروض يكون ليه تقدير كبير جدًا”.
وأختتم: “هناك تربص واستهداف، فين المجلس الأعلى لتنظيم الإعلام، اشتكينا قبل كده، ناس بتجرح فيك كل يوم وانت رديت مرة رحت محقق على الاتنين، بعد كده اشتكينا تاني، ومن غير ما نشتكي المفروض يكون فيه مراقبة، لازم يكون فيه دور أقوى من كده، ركز على الفعل مش رد الفعل”.
