رضا عبد العال عن هزيمة الزمالك: نحمد ربنا إننا خسرنا بركلات الجزاء

أكد رضا عبد العال، لاعب الأهلي والزمالك السابق أن الزمالك بالشكل اللي ظهر به أمام الهلال يخوف، وفيريرا خرف وضيع فوز سهل، في ناس عاملاه إله مش عارف ليه، بس نحمد ربنا أننا خسرنا بضربات الجزاء”.

وأضاف خلال لقائه ببرنامج “اللعيب” الذي يقدمه الإعلامية مهيب عبد الهادي بقناة “إم بي سي مصر”: “الهلال سيطر على كل المباراة، وسيف الدين الجزيري لو لاعيب كويس كان كسّب الزمالك لأنه ضيع كورتين كانوا ممكن يحسموا الفوز للزمالك، والهلال أيضًا ضيع فرص كتير وكان أتقل من الزمالك”.

وتابع: “بقول للزمالك والمسئولين في نادي الزمالك مش دي الصفقات اللي تودي الزمالك لدوري أبطال أفريقيا، الزمالك وضعه يقلق”.

واستطرد: “فيه ضربة جزاء للهلال السعودي ضد حمزة المثلوثي متحسبتش، ونحمد ربنا أن الفار كان نايم والحكم محسبهاش، ومش المثلوثي اللى يلعب في الزمالك”.