حرصت الفنانة ميرهان حسين، على طمأنة جمهورها بعد إصابتها الفترة الأخير بفيروس كورونا المستجد، مما جعل محبيها يتمنون لها الشفاء العاجل.
ووجهت “ميرهان” الشكر لجمهورها بعد تعافيها، فشاركت صورا لها عبر حسابها على إنستجرام، وعلقت قائلة: “الحمد لله أنا بقيت أحسن بكتير وقربت أتعافى تمامًا إن شاء الله، عايزة أشكر كل حد سأل عليا وكل حد وصللي إحساس بالحب والعطاء والاهتمام اللي ماكنتش أتوقعه للدرجة دي، والله ما كنتش أعرف إن في ناس كتير بتحبني كدا فرحتولي قلبي وصدق مشاعركم وصلني شكرًا بجد من قلبي”.
وأضافت: “مفيش أحلى ولا أغلى من الحب شكرًا على كل هدية جاتلي وكل وردة وكل دعوة بالشفاء يا رب كل حد فرحلي قلبي ربنا يكرمه ويحققله كل اللي بيتمناه وربنا يحفظنا جميعًا من كل الأمراض ويدينا الصحة والعافية يا رب إحنا وكل حبايبنا.. شكرًا يا أغلى الناس اللي حسستوني إنكم جنبي مهما كنتوا بعيد وإني لو احتجت أي حاجة هاتكون عندي بوجودكم في حياتي.. شكرًا عالحب أغلى هدية ونعمة من رب العالمين، بحبكم”.
