نيللي: مواعيدي مظبوطة جدا ..و أكتر كلمة بقولها الحمد لله.. وأقرب عمل لقلبي الفوازير
قالت الفنانة نيللي احلي حاجة في حياتي و أحلي ذكريات عمري هي الفوازير، ومن سعادتي بالفوازير مكنتش بحس بالتعب و مكنتش بنام و علي قد التعب علي قد الفرحة، وأول دخول للوسط الفني كان عندي ٤ سنين ووقتها كانت فيروز اختي المعجزة نجمة، و مخدتش قرار دخول الفن ودي حاجة حصلت لوحدها فأنا اتولدت في البلاتوه ، جاء ذلك خلال حوارها في برنامج ع اللوكيشن الذي يذاع علي راديو هيتس والبرنامج من تقديم شريف الليثي .
وأضافت طموحي هو اللي أنا وصلتله بالفعل، و اسعد لحظات حياتي الفوازير بفتكرها علي طول.
وتابعت الشغل بالنسبالي تضحية.. أعمل أي حاجة عشان شغلي، و كنت بتبسط اوي لما الناس بتوقفني و تتصور معايا من صغري، و انا كل شوت بعمله كان من قلبي و من جوايا من إحساسي فلازم يوصل للناس.
وتابعت عيبي مواعيدي المظبوطة اوي و دة عيب مع اللي مواعدهم وحشة،و انا مابتهمنيش الفلوس و مابتفرقش معايا، و دلوقتي بأعتذر عن أعمال بالملايين و انا عمري ما أخدت الأرقام دي زمان، وأكتر فيلم بحبه أنا و أنتي و ساعات السفر .
واختتمت قائلة اكتر كلمة بقولها الحمدلله، واحسن و أقرب عمل لقلبي الفوازير، ومبدئي في الدنيا الإخلاص و الثبات و العطاء، و لو مكنتش فنانة كنت هبقى فنانة.
