عبرت الفنانة منة فضالي عن حزنها الشديد بعد وفاة طفل رضيع كانت قد قررت تبنيه وقالت منة :” ولد اتولد من ٥ ايام، أمه خلفته في مستشفي في الفيوم، وقالتلهم أنا مش عاوزاه ارموه في الشارع الممرضة، صعب عليها خدته تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني واحدة تانيه بتشتغل معايا في البيت، أختها أخدته تربية سافرت الفيوم واخذت الولد و ودتو لدكتور طلع عنده الصفره بتقولي النهاردة، قولتلها هاتيه أنا حتبناه لإني نفسي يبقي عندي طفل من شويه بتكلم اختها قالتلها الولد مات بعد ما ابتديت اخد اجرات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي”.
واضافت:”انا بكتب البوست ده لاني فعلا موجوعه من قلبي وكنت فرحانه اني حاخد الولد بس ربنا مش رايد،ربنا يرحمك برحمتو وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها”.
