دكتورة لبني يونس تكتب :سوق النخاسة ….

دكتورة لبني يونس تكتب :سوق النخاسة  الجديد ..

عايشين في زمن النخاسة الجديد

ورجعنا تاني لزمن الجواري والعبيد

ده بيشتري وده بيبيع ،

وست عالنت تعرض نفسها وبناتها

وخلي الفيديوهات يابنات تبيع ،

في سوق النخاسة ….

راجل لا عنده نخوة ، ولا ذمة ، ولاعنده دين أو ضمير ، لمراته وبناته فاضح وبيته معروض وفرجه للجميع ،

سوق النخاسة ….

مين يشتري جارية بكلمتين حلوين ووعد وعهد وقابليني يابنت ولا ياست عند محامي نضرب ورقتين عرفيين ولا اقولك بلاها الورقتين

أنت في حضني زي مراتي وأم ولادي وحب السنين ،

ويغيب ويختفي وما تعرف تجيبه تاني منين ،

سوق النخاسة

والكل بياع والشاري مين ،

زمن صكوك الغفران ،

واشتري من جنة الدنيا فدان ولا اتنين

بحبك انت روحي ونور العين

يابنت انت مراتي وكل حياتي وهو مراهن عليها أصحابه من شهور ويمكن سنين

سوق النخاسة

فاكر نفسة رايح يشتري جارية ولا اتنين ويمكن عشرين ،

والتمن كفاية عليها غنوتين و كلمتين حلوين،

وشوية احلام علي حبة اوهام ووعود ماينفذ منها حرفين …

فنانين بيقولوا عليهم مشهورين في المهرجانات طالعين قالعين ولا ليهم رصيد في الفن

ولا معروف دول مين ،

ضاع العلم وضاع الفن وضاع الدين