طريقه عمل حواوشى اقتصادي حواوشي بطاطس بطعم اللحمة من غير لحمة
طريقه عمل حواوشى اقصادي
حواوشي بطاطس بطعم اللحمة من غير لحمة
راندا عبد العزيز
المكونات
٥ بطاطس
٥ بصل احمر او ابيض
٥ فلفل رومي او حامي او ميكس
( ممكن تزودو جزر مبشور و كوسة مبشورة هتودي طعم و الفايدة في حتة تانية )
٤ مرقة لحم من ماجي
و رشة ملح و فلفل اسود اختياري
ممكن تكتفوا بالمرقة و بس
اليكم الطريقة سهلة
هنبشر البطاطس
و ممكن نبشر البصل او نقطعه
و نقطع الفلفل صغير اوي
و نجيب طاسة
نحط فيها ملعقة زيت علي زبدة
و ننزل بالخضار كله
و نفضل نقلب فيه
لازم لازم لازم استمرارية تقليب
و بعدين نحط المرقة و ملح و فلفل اسود اختياري
و بعدين نقلب
هنحس الخليط بقي شبهه العجينة كدة
نروح علي طول قافلين
و نجيب العيش البلدي بتاعنا
نفتحه
و نحط الخليط و شوية موزاريلا اختياري
و ندهنه بالزيت بالفرشة كدة
و بعدين في طاسة سخنة
ننزل بالحواوشي ياخد لون بس و نشيله
لان كل حاجة مستوية
