بسمة وهبة عن منتقدي نيرة أشرف ضحية المنصورة: قلة أدب وسفالة”

قالت الإعلامية بسمة وهبة، إنّ الأشرار يبستهدفون استخدام كل مواجعنا الإنسانية حتى يهددوا بها المجتمع المصري ويخوفوه، وذلك خلال تعليقها على حادثة الانتحار بالأمس، وحادثة مقتل الطالبة نيرة أشرف في محيط جامعة المنصورة.

وأضافت وهبة، خلال تقديم حلقة اليوم من برنامج “90 دقيقة”، على قناة المحور: “الأشرار هيحاولوا يهدوا المجتمع بالمرة، وهتلاقي في نغمة ماشية بتتكلم عن المجتمع اللي انهار ومصر اللي ضاعت، وهنلاقي تجار الوهم شغالين بوستات ومقالات وفيديوهات عن أخر الزمان وعلامات يوم القيامة، وكأننا نعيش في زمن الدم والقتل”.

وتابعت: “لازم وقفة، مهمتنا وهدفنا وأنا مهمتي وهدفي في هذا البرنامج هو الوعي، نحتاج إلى وقفة تأمل وتفكير، لازم نشغل دماغنا، ومينفعش ندفن رأسنا في الرمل، ولازم نفهم ونحلل ونعرف أسباب اللي حصل”.

وأكدت، ان ما حدث جريمة بشعة، لكن الأبشع من الجريمة ردود الفعل التي ظهرت لدى بعض رواد منصات السوشيال ميديا: “قلة أدب وسفالة، اللي شفناه من الممارسات اللي عملتها بعض المواقع والصحف ده اسمه خطر حقيقي”.