حسن مصطفى: ردي على جوزيه تسببت في نزولي للعب مع الناشئين

كشف حسن مصطفى لاعب خط وسط النادي الأهلي عن أزمة من ضمن أزماته مع البرتغالي مانويل جوزيه المدير الفني السابق للفريق.

وقال حسن مصطفى في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد “ثاني أزماتي مع مانويل جوزيه كان قرر جلوسي على دكة البدلاء رغم اني أقدم مباريات كويسة”.

وتابع “جوزيه قرر وجودي على الدكة بسبب مشادة حدثت بيننا و قرر “يرخم عليا شوية وقعدني دكة”، كنت قاعد مقموص ومش طايقه”.

وأضاف “جوزيه جه قالي انت متضايق علشان مش بتلعب؟ قلتله انت علشان ماتش افريقيا الي جاي بتصالحني دلوقتي علشان مضطر تلاعبني لإن اللاعيبة في المركز مش كويسة”.

وواصل حسن مصطفى “جوزيه قالي طب ريح بقى شوية ونزلني 4 مباريات في قطاع الناشئين”.