السيسي يعاتب وزير الري “كنت بتعمل إيه؟”.. ووجه الداخلية والجيش بإزالة التعديات على الجسور والأراضي الزراعية

كتبت- أميرة جادو

عاتب الرئيس عبدالفتاح السيسي، خلال حفل افتتاح محطة معالجة مياه مصرف بحر البقر بشرق بورسعيد، الدكتور محمد عبدالعاطي وزير الري والموارد المائية بسبب نقص المياه والتعديات على الجسور، قائلًا: «متزعلش مني يا دكتور محمد، كنتوا قاعدين بتعملوا ايه السنين اللي فاتت؟! مش كده ولا إيه يا دكتور مصطفى –يقصد رئيس الوزراء».

وتابع الرئيس: «مش اللي بيتابع ده وزارة الري، بالإضافة إلى للمحافظة والأمن .. 6 شهور وألاقي الجسور متظبطة زي ما الكتاب بيقول، ولو تطلب الامر نزول الجيش ينزل وتتحط 3 آلف معدة و10 آلاف معدة عشان الجسور دي ترجع تاني، وكل بيانات الناس دي تبقى معانا سواء كان تعدي على أراضي زراعية أو تعدي على الجسور».

يوجه الداخلية والجيش بإزالة التعديات على الجسور والأراضي الزراعية

وأوضح السيسي إنه في رشيد وبسبب التعديات كانت تمر 80 مليون متر معكب مياه، والآن أصبحت 30 مليون متر مكعب يمر من هناك، مما يؤثر على المزارعين، ونفس الأمر بدمياط، مشددًا:«فكرة إننا كمواطنين نتعدى على المياه وكحكومة تسكت على ده ده أمر مش ممكن نقبله، وبالتالي كل التعدي على منشآت جسور الترع أو الري.. ده وزارة الداخلية مع المحافظة والقوات المسلحة لو محتاجين، كل الكلام ده لازم خلال 6 شهور آخد تمام أنه اتشال.. إحنا مش هنتحايل على حد».

وتابع الرئيس، «هو حد يغتصب أرض الدولة ونقول حياتهم مهددة بالخطر.. أنت تآخد أرض الدولة وأتحايل عليك كل التعديات خلال 30 سنة فاتت تتشال وآخد تمام خلال 6 شهور ».