ماذا تعرف عن الامراض المشتركة
كتبت د/رضا عيسى
المضى قدما نحو التنمية المستدامة في المجتمع والتى بدأت في الانطلاقة بالمبادرة التي نادى بها الرئيس السيسي
لتنال جميع المجالات بتطوير وتثقيف العنصر البشرى فجاءت التنمية لتشمل في مجلمها الجانب الطبى والتطور المستمر
لتمشى في خطوط متوازية مع التنمية البشرية فكان تميزنا اليوم بتوضيح الامراض المشتركة
لتتناول دكتور ة منال السيد محمد طبيبة بيطرية مدير ادارة الأمراض المشاركه بالشرقية، خطورة المرض فكان لقائنا معها وكانت اسئلتي بمثابة توضيح الرؤية لقارئ لما تسببه هذه الأمراض
* ما معنى الأمراض المشتركة؟
الأمراض المشتركه هى الأمراض اللى بينقلها الحيوان للأنسان زى الحمى المالطيه والسل والتوكسوبلازما
والجمره الخبيثه
اكتر من 200 مرض مشترك.
هل تأثيرها مباشر ام غير مباشر بفترة وجيزة على الإنسان ؟
مباشر وغير مباشر
مباشر لما يكون الاتصال مع الحيوان المريض
غير مباشر لما يكون أخذ العدوى عن طريق منتجاته
كمان ظهور العرض بيتوقف على عدد الميكروب اللى تم التعرض له والحاله الصحيه للأنسان.
*** هل ظهور الاعراض يتشابه مع امراض اخرى،؟
أسئلة حضرتك قويه
ايوه فى تشابه بينها فى الأعراض وأمراض أخرى ودا بيأدى للتأخر فى العلاج
مثلا الحمى المالطيه ارتفاع شديد فى درجة الحرارة وعرق خصوصا فى الليل وتكسير فى العضم ( انفلونزا وبرد)
او تهاجم مفصل ركبه أو الورك وساعتها هتقول عضام وروماتيزم أو كسر.
***هل ينتقل المرض من انسان لاخر ؟
التوكسوبلازما مرض القطط بيسبب اجهاض للحوامل وطبعا الإجهاض له أسباب كتيره
كمان ممكن يسبب تشوهات للجنين ويموت بعد الولاده..
***هل المرض معدى ؟
الأمراض اللى بتتنقل عن طريق اللبن ميكروبات معويه بتسبب اعراض مشابه للتيفود
فى طبعا أمراض بتتنقل من القرود زى مرض الايبولا
عندنا هنا فى مصر طبعا بنعمل سياسة التحصين للحيوانات وطبعا فحص لها خاصه البروسيلا والسل وبذبح الحيوان المصاب
الألبان طبعا فحص والبستره والتأكد من سلامة الحيوان المنتج لها.
***
لماذا لم يتم الدعاية الكافية للتعريف بهذه الامراض والقضاء عليها؟
دعايه كافيه معنديش فكره اصلا الطب البيطرى مش مسلط عليه الضوء كفايه
تظهر الأعراض طبعا لو كان فيه تعامل غير صحى أما للحوم أو الألبان أو التعامل المباشر مع الحيوان المصاب بمعنى لو بقره مصابه بالبروسيلا ( معلش اغلب شغلى على المرض دا ) ونزل فى اللبن وتم عمل قشطه أو ايس كريم بدون معاملة اللبن حراريا هتبقى معدل الاصابة عالية .
*** كيف ينتقل المرض للحيوان المسبب للامراض المتشابهة ؟
انتقال المرض للحيوان بنفس طرق انتقاله للانسان بالظبط يعنى أما عن طريق الجهاز التنفسي أو الهضمى أو الجلد.
***ماهى طرق الوقايه من الأمراض المشتركة ؟
ماهى طرق الوقايه من الأمراض المشتركة ؟
الوقايه انا عندى حاجه اسمها المثلث الوبائى ثلاث زوايا الميكروب اللى بيسبب المرض العائل أو الحيوان اللى الميكروب خاص بيه والثالث البيئه اكسر اى زاويه اعمل وقايه جيده من المرض وانتشاره.
وكان حوارنا فى ملتقى الارتقاء بالذوق العام وتحياتى للاستاذ عبده خطاب الذى يدير الملتقى .
