اللي مش عاجبه ملوش شغل.. مصطفى كامل يكشف رسوم حفلات الراب والمهرجانات
قال الفنان مصطفى كامل – نقيب المهن الموسيقية- إنه يقوم بتحصيل رسوم من مطربي المهرجانات عن حفلاتهم مابين 5 و10 و15 ألف جنيه، في حين أنه يقوم بتحصيل مبلغ من 50 : 200 ألف جنيه من مطربي الراب في الحفلة الواحدة.
وأضاف مصطفى كامل في تصريحات صحفية : «اللي عاجبه على كده عاجبه.. واللي مش عاجبه ملوش شغل»، مؤكدًا على أنه يقوم في نقابة المهن الموسيقية بأعمال تطوير وتحسين الخدمات.
وقال الفنان مصطفى كامل، إنه حريص على العمل بضمير في نقابة المهن الموسيقية، وعلق موجهًا كلامه لـ الموسيقار حلمي بكر: «انا بقولها لأبويا وبقولها لزملائي كلهم.. أنا اللي يفرق معايا أن من يجلس على هذا المقعد يكون إنسان بيراعي ربنا ورجل شريف».
وأضاف مصطفى كامل في تصريحات صحفية أنه حريص على توفير الخدمات لأعضاء نقابة المهن الموسيقية من محدودي الدخل، وعلق قائلًا: «احنا واقفين على رجلينا وبنعرف نكسب، وكمان نجوم الصف الأول نسبة أعمالنا قلت بنسبة سبعين وتمانين في المية .. بس على الاقل إحنا الحمد لله قادرين على مواكبة الحياة .. واحنا فينا ناس من زملائنا منتمين للنقابة دي صدقوني وقسما بالله مفيش جنيه في بيته».
وأضاف مصطفى كامل: «في ناس من أعضاء النقابة أولادها بتتشرد وللأسف كان في النقابة مسئولين على الكراسي دون المستوى .. وتلاقي عضو في النقابة مش عارف يأكل ولاده .. أنا للآسف مرة قالها لي مستشار قانوني للنقابة، قالي على فكرة انت تاعب نفسك أوي النقابة دي بتتسرق من أيام زمان وهتفضل تتسرق ولا حد فيها اتحبس.. لكن أنا جاي الفترة دي يا أحبس الحرامي يا أمشي».
