أحمد يسعد يروج لأحدث ألبوماته حبيبنا… 

كتبت إيمان مجدي

قام الفنان أحمد سعد بتشويق جمهوره لأحدث البوماته الغنائية الذي من المقرر إنطلاقها علي المنصات الموسيقية يوم 15 من يناير الجاري ويحمل أسم “حبيبنا”

وقد شارك أحمد سعد متابعيه ومحبيه علي مواقع التواصل الإجتماعي فيديو دعائيا طويلا بدأ من منطقة القاهرة التراثية بمشاهد رائعة وصرح فيه عن تحقيق حلمه قائلاً: “حاجة جميل أوي يكون عندك حلم والأجمل من كده أنك تحققه، طول عمر أحلامي ملهاش سقف، وأنا صغير كنت بحب المزيكا أوي كنت بشوف كل حاجة ألحان حتى الكلام كنت بشوفه لحن كان أخواتي بيستغربوا، وأنا صغير إزاي طفل يحفظ الحاجات التقيلة دي كنت بسمع مشايخ وأم كلثوم وعبد الوهاب وكنت بسأل نفسي هتغني أيه فيه كنت بسمع كل أنواع الموسيقى كنت بدور على شكل الناس تشوفني فيه واتصدمت أول صدمة عرفت إن الطريق مش سهل، كنت محتاج الناس تحبني وفضلت أسعى وأسعى وأعمل أشكال جديدة في المزيكا قعدت 15 سنة بعمل اللي بحبه واللي الناس بتحبه أشوف زمايلي بتعمل إيه علشان أشوف اللي الناس بتحبه.

وأستكمل أحمد سعد حديثه في الفيديو قائلاً: وصلت إن أعمل اللي الناس بتحبه بالطريقة اللي بحبها وجه النجاح اللي مجاش بين يوم وليلة الناس بقت تحبني وتحب أغانيا وبقيت ببقى طاير في السما وأنا طاير على المسرح.. الناس بتغني ورايا وبتقول إيه اليوم الحلو ده ووسع وسع وعرفت إن المسئولية ابتدت أنا محتاج أعمل اللي بناس بتحبه واللي أنا بحبه وأنا مصدق إن اللي بتحبه من قلبك الناس هتبحبه معاك وهي دي تجربتي المرادي هعمل اللي بحبه وهاخد الناس وهطير في السما باللي أنا بحبه الأيام الجاية هتعرفوا إيه هي التجربة”.

والجدير بالذكر أن الفنان أحمد سعد قد حقق نجاحاً ملحوظاً خلال الفترة الماضية وطرح أغاني مميزة تفاعل معها جمهوره ومحبيه.