هنيدي يوجه نصيحة ثمينة لجمهوره
دعاء رحيل
وجه الفنان محمد هنيدي على توجيه رسالة ونصيحة لمتابعيه، وذلك من خلال حسابه على فيسبوك.
وعلق هنيدي قائلاً: “نتكلم جد .. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده .. النجاح مش بالفلوس .. ولا بصور انستجرام اللي ظاهر فيها انك سعيد وبتصيف كل اسبوع في مكان شكل .. ولا انك عندك فولورز او قناة يوتيوب كبيرة .. النجاح ملهوش مقياس لكل الناس .. انت ممكن تكون شغال شغلة بسيطة بس سعيد وراضي وناجح فيها .. فكرة ان ناس حصرت النجاح في أشكال معينة وانك تقتنع بإن ده هو النجاح .. ده اللي هيخيلك عمرك ما هتبقى سعيد
وتابع هنيدي: “النجاح هو انك تحقق اللي انت عايزه حسب قدراتك وعقلك ودماغك .. مش انك تحقق اللي الناس عايزاه وشايفاه نجاح”.
واختتم هنيدي “النجاح انك توصل لسعادة ورضا سواء انت بقى ملياردير او اللي جاي على قد اللي رايح، اوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب لإنك كدة عمرك ما هتبقى سعيد.
